Sælir félagar

Okkur langar að benda á spennandi ráðstefnu sem er framundan hjá Lean Ísland!

Okkur hjá MPM félaginu langar að vekja athygli á Lean Ísland ráðstefnunni sem fram fer í næstu viku!

Lean Ísland 2013

Lean Ísland ráðstefnan var haldin af Spretti í fyrsta sinn á síðastliðnu ári þar sem um 300 manns mættu til að læra af fyrirlesurum og hverju öðru. Ráðstefnan fékk mjög góðar undirtektir viðstaddra og mun Sprettur því endurtaka leikinn þann 7. maí næstkomandi á Hilton Reykjavík Nordica. Þetta árið er dagskráin enn metnaðarfyllri þar sem hægt verður að velja um tvær fyrirlestrabrautir í stað einnar. Að auki verður svokallað Opið rými í lok ráðstefnunnar þar sem þátttakendum og fyrirlesurum gefst tækifæri til að búa til sína eigin ráðstefnudagskrá. Úrval fyrirlesara verða með erindi þar sem áherslan er á Lean hugsun, stjórnun og menningu. Meðal fyrirlesara er Daniel T. Jones sem er einn höfunda bókanna The Machine That Changed The World og Lean Thinking: Banish Waste and Create Wealth in Your Corporation þar sem orðið ‘lean’ var kynnt til sögunnar sem lýsing á hugmyndafræði og framleiðsluaðferðum Toyota.

Lean Ísland er fyrir alla sem vilja ná meiri árangri í sínum fyrirtækjum og stofnunum. Fyrirtæki og stofnanir í mörgum atvinnugreinum bæði í þjónustu og framleiðslu eru byrjuð að nýta sér Lean stjórnun og hugsun. Með áherslum sínum á virði fyrir viðskiptavini og umbótamenningu er Lean stjórnun að fá verðskuldaða athygli um heim allan.

Í ráðstefnuvikunni verða einnig tvö námskeið fyrir þá sem vilja læra enn meira um hvernig megi ná árangri með lean umbótum.

Skráningu og nánari upplýsingar má nálgast á vef ráðstefnunnar www.leanisland.is.

Jólafundur „happy hour“ – verkefnastjórnun hjá Icelandair
Fimmtudagurinn 6. desember kl. 17 í bíósal Hótel Natura (salur 1).
Björgvin Harri og Dagur Egonsson munu taka á móti okkur og fara í gegnum verkefnastjórnun í tveimur deildum hjá þeim. Fjallað verður meðal annars um það hvernig sé að vinna í fjölþjóðlegum teymum, reynsla þeirra og aðferðir sem IT sviðið notar við stjórnun á verkefnum sínum.
Félagarnir eru miklir reynsluboltar og hafa starfað lengi hjá Icelandair, Björgvin er verkefnastjóri, MPM 2009, og hefur starfað hjá Icelandair frá árinu 2004. Dagur er ‘director management information´ og hefur starfað hjá Icelandair frá árinu 1996.
Hvetjum mpm árganga til að nýta tækifærið og hittast, fá sér einn öl og fræðast heilan helling ! Happy hour verður á barnum til kl. 19
Vinsamlegast skráið þátttöku fyrir miðvikudaginn 5. desember, skráning sendist í mpmfelag@mpmfelag.is
Hlökkum til að sjá ykkur sem flest!
kveðja
Jólastjórnin

Hádegiserindi MPM félagsins – Á allra vörum
Hvernig verður verkefni eins og „Á allra vörum“ að veruleika.
Forsvarskonur verkefnisins „Á allra vörum“ þær Gróa
Ásgeirsdóttir, Elísabet Sveinsdóttir og Guðný
Pálsdóttir munu segja frá undirbúningi, skipulagningu
og framkvæmd þessa mikila verkefnis.
Að framsögu lokinni gefst kostur á spurningum frá
þátttakendum.

Verkefnið „Á allra vörum“ fór af stað árið 2008 með það markmið að styðja við
Krabbameinsfélag Íslands og var söfnunarfé það árið varið til kaupa á tækjum til að
greina brjóstakrabbamein á frumstigi. Verkefnið hefur síðan verið árlegt og í hvert
sinn er valið ákveðið verkefni sem stutt er við, sem þó tengist krabbameini á einhvern
hátt. Átakið 2012 var; Stuðningsmiðstöð fyrir veikustu börnin.

Staðsetning: Þjóðmenningarhús, Hverfisgötu 15, 101 Reykjavík

Tími: 11. október 2012, kl. 12:00 – 13:00

Verð: 1.200 kr., súpa og brauð er innifalið (greitt á staðnum)

Vinsamlegast tilkynnið þátttöku með því að senda póst á
mpmfelag@mpmfelag.is eigi síðar en á hádegi miðvikudagsins 10. október